മോഷ്ടിക്കാൻ കാറിനകത്ത് കയറിയ കള്ളൻ 20 റിയാൽ സംഭാവന നൽകി പോയി..!!!

വെബ്ഡെസ്ക് : കള്ളൻ കാറിൽ കയറിയത് എന്തെങ്കിലും കിട്ടുമെന്ന് കരുതിയാണു. എന്നാൽ ഒന്നും കിട്ടിയില്ല. തിരിച്ച് പോകും വഴി 20 റിയാൽ കള്ളന്റെ വക സംഭാവന..!!

സംഭവം നടന്നത് സൗദിയിൽ. കാറുടമയായ യുവാവ് കാർ പാർക്ക് ചെയ്ത് സുഹൃത്തിനോടൊപ്പം ഭക്ഷണം കഴിക്കാൻ ഹോട്ടലിൽ കയറിയതാണു.തിരിച്ച് വന്നപ്പോൾ കാറിന്റെ ഗ്ളാസ് തകർത്തിരിക്കുന്നു. കാറിനകത്തുള്ള സാധനങ്ങൾ വാരി വലിച്ചിട്ടിരിക്കുന്നു.

അതിലേറേ കൗതുകം നിറഞ്ഞതായിരുന്നു സീറ്റിൽ നോക്കിയപ്പോൾ യുവാവ് കണ്ടത്…!!! 20 റിയാലും ഒരു കുറിപ്പും സീറ്റിൽ വെച്ചിരിക്കുന്നു. കുറിപ്പിൽ കള്ളന്റെ എഴുത്ത് ..!! അത് ഇങ്ങനെയായിരുന്നു. ‘ രണ്ടാഴ്ചയോളം ഞാൻ നിന്നെ പിന്തുടർന്നു. എന്നാൽ ഒന്നും എനിക്ക് കിട്ടിയില്ല. 20 റിയാൽ വെച്ചിരിക്കുന്നു . കാർ വൃത്തിയാക്കുക.”

 

ഏതായാലും ഉദാരനായ കള്ളന്റെ കഥ സൗദി സോഷ്യൽ മീഡിയയിൽ വൈറലായിരിക്കുകയാണു..!!!

Leave a Reply

Your email address will not be published. Required fields are marked *