പ്രവാസികള്‍ക്ക് ആശ്വാസമായി ഇന്ത്യന്‍ എംബസി… വിദേശത്ത് വിസിറ്റിങ് വിസയിലെത്തിയവര്‍ക്ക് തൊഴില്‍ വിസയിലേക്ക് മാറാന്‍ അവസരം

യുഎഇയില്‍ വിസിറ്റ് വിസയിലെത്തി ജോലി ഓഫര്‍ ലഭിച്ചവര്‍ക്ക് തൊഴില്‍ വിസയിലേക്കു മാറാന്‍ ആവശ്യമായ സല്‍സ്വഭാവ സര്‍ട്ടിഫിക്കറ്റ് (ജിസിസി) ഇന്ത്യന്‍ എംബസി നല്‍കിത്തുടങ്ങി. യുഎഇ അധികൃതര്‍ സ്വീകരിക്കുന്ന പൊലീസ് ക്ലിയറന്‍സ് സര്‍ട്ടിഫിക്കറ്റായാണ് (പിസിസി) എംബസി സ്വഭാവ സര്‍ട്ടിഫിക്കറ്റ് നല്‍കുന്നത്. എംബസിയുടെ പാസ്‌പോര്‍ട്ട്, വിസ സേവനങ്ങള്‍ ഔട്ട്‌സോഴ്‌സ് ചെയ്യുന്ന ബില്‍എല്‍എസ് ഇന്റര്‍നാഷണല്‍ സെന്ററുകള്‍ മുഖേനെയാണ് അപേക്ഷ സ്വീകരിക്കുന്നതും സര്‍ട്ടിഫിക്കറ്റ് വിതരണവും.

വിസിറ്റ് വിസയിലുള്ളവര്‍ക്ക് ആശ്വാസം നല്‍കുന്ന താല്‍ക്കാലിക സംവിധാനമെന്ന നിലയിലാണ് പിസിസി അപേക്ഷ എംബസി സ്വീകരിക്കുന്നതെന്ന് ദുബായ് ഇന്ത്യന്‍ കോണ്‍സല്‍ ജനറല്‍ വിപുല്‍ അറിയിച്ചു. കഴിഞ്ഞ ഫെബ്രുവരി നാലിന് നിലവില്‍ വന്ന നിയമ പ്രകാരം യുഎഇ തൊഴില്‍ വിസ ലഭിക്കണമെങ്കില്‍ നാട്ടിലെ പൊലിസ് സ്‌റ്റേഷനില്‍ നിന്നുള്ള സ്വഭാവ സര്‍ട്ടിഫിക്കറ്റ് ഹാജരാക്കണം.

വിസിറ്റ് വിസയിലെത്തി ജോലി നേടിയവര്‍ക്ക് പിസിസി ലഭിക്കണമെങ്കില്‍ നാട്ടിലേക്ക് തിരിച്ചു പോയി പ്രാദേശിക പൊലീസ് സ്‌റ്റേഷനുകളില്‍നിന്ന് നേടിയെടുക്കുകയോ അല്ലെങ്കില്‍ ഇതിനായി നിയമപ്രകാരം മറ്റാരെയെങ്കിലും ചുമതലപ്പെടുത്തുകയോ ചെയ്യണമായിരുന്നു.
ജോലി അന്വേഷിച്ച് വിസിറ്റ് വിസയിലെത്തുന്നത് ഇന്ത്യന്‍ എംബസി പ്രോത്സാഹിപ്പിക്കുന്നില്ലെങ്കിലും ഇവിടെ എത്തിയ ഇന്ത്യക്കാരുടെ പ്രയാസം ലഘൂകരിക്കാനാണ് ഈ തീരുമാനമെന്നും അദ്ദേഹം വ്യക്തമാക്കി. സല്‍സ്വഭാവ സര്‍ട്ടിഫിക്കറ്റ് സംബന്ധിച്ച് നിലനില്‍ക്കുന്ന പ്രശ്‌നങ്ങല്‍ പൂര്‍ണമായും പരിഹരിക്കപ്പെടുന്നതു മാത്രമേ ഈ സൗകര്യം ലഭിക്കൂവെന്നും അദ്ദേഹം പറഞ്ഞു.

ദുബായ് ചേംബര്‍ ഓഫ് കൊമേഴ്‌സ് അറ്റസ്റ്റ് ചെയ്ത ജോലി ഓഫര്‍ ലെറ്ററും തൊഴില്‍ നല്‍കിയ സ്ഥാപനത്തിന്റെ ട്രേഡ് ലൈസന്‍സിന്റെ പകര്‍പ്പും നിര്‍ബന്ധമായും പിസിസി അപേക്ഷയോടൊപ്പം നല്‍കണം. വ്യാജ ജോലി ഓഫറുകളുമായി പിസിസി സംഘടിപ്പിക്കാന്‍ വരുന്നത് തടയാനാണിതെന്നും അദ്ദേഹം പറഞ്ഞു. പാസ്‌പോര്‍ട്ട് ഇഷ്യൂ ചെയ്യുമ്‌ബോള്‍ റീജനല്‍ പാസ്‌പോര്‍ട്ട് ഓഫീസില്‍ ലഭിക്കുന്ന പൊലിസ് വെരിഫിക്കേഷന്‍ വിവരം പരിശോധിച്ചാണ് എംബസി താല്‍ക്കാലികമായി പിസിസി നല്‍കുന്നതെന്നാണ് വിവരം.

മെലിഞ്ഞവര്‍ക്ക് വണ്ണം വെക്കാന്‍ ഒരു ഉഗ്രന്‍ മരുന്ന്

മറ്റ് അസുഖങ്ങളൊന്നുമില്ലെങ്കില്‍ നമുക്ക് ലഭിക്കാവുന്ന വലിയ സൗഭാഗ്യമാണ് മെലിഞ്ഞ ശരീരം. എന്നാല്‍ ഉയരത്തിനനുസരിച്ച് ശരീരഭാരമില്ലെങ്കില്‍ ആകാരഭംഗിയെമാത്രമല്ല നിത്യജീവിതത്തെത്തന്നെ അത് ബാധിച്ചേക്കാം. ജീവിതശൈലിയും ഭക്ഷണക്രമവും പരിഷ്‌കരിച്ചാല്‍ അനായാസം ആര്‍ക്കും ‘ഐഡിയല്‍ വെയ്റ്റ്’ നേടാന്‍ സാധിക്കും.

സൗദി തൊഴിൽ മന്ത്രാലയം നടപ്പാക്കിയ കസ്റ്റമർ കെയർ മലയാളികൾക്ക് അനുഗ്രഹമാകുന്നു…

തൊഴിൽ പ്രശ്‌നങ്ങൾക്ക് മലയാളത്തിൽ മറുപടി തേടി ദിവസം നൂറിലേറെ വിളികൾ

റിയാദ് – വിദേശി തൊഴിലാളികളുടെ പരാതികൾ സ്വീകരിക്കാനും സംശയങ്ങൾ ദൂരീകരിക്കാനുമായി സൗദി തൊഴിൽ മന്ത്രാലയം നടപ്പാക്കിയ കസ്റ്റമർ കെയർ മലയാളികൾക്ക് അനുഗ്രഹമാകുന്നു.

ദിവസം നൂറിലധികം മലയാളികളാണ് വിവിധ പ്രശ്‌നങ്ങളുന്നയിച്ച് മലയാളം കസ്റ്റമർ കെയറിലേക്ക് വിളിക്കുന്നത്. നാലു വർഷം മുമ്പാണ് 19911 എന്ന ടോൾ ഫ്രീ നമ്പറിൽ മലയാളമടക്കമുള്ള ഒമ്പത് വിദേശ ഭാഷകളുടെ സേവനം തൊഴിൽ മന്ത്രാലയം ആരംഭിച്ചത്.

ടോൾ ഫ്രീ നമ്പർ ഡയൽ ചെയ്താൽ അറബി, ഇംഗ്ലീഷ്, ഉറുദു, ഹിന്ദി, തഗലൊഗ്, ഇന്തോനേഷ്യൻ, മലയാളം, എത്യോപ്യൻ, ബംഗാളി എന്നീ ഭാഷകൾ തെരഞ്ഞെടുക്കാൻ ആവശ്യപ്പെടും. മലയാളം ലഭിക്കാൻ ഏഴ് ആണ് അമർത്തേണ്ടത്. ഏഴ് അമർത്തുമ്പോൾ സേവനങ്ങൾക്കും പ്രോഗ്രാമുകൾക്കും ഒന്ന് അമർത്താനും പരാതികൾക്ക് രണ്ട് അമർത്താനും ഇംഗ്ലീഷിൽ നിർദേശം ലഭിക്കും. ആവശ്യത്തിനനുസരിച്ചുള്ള നമ്പർ അമർത്തിയാൽ ഇഖാമ നമ്പർ ടൈപ് ചെയ്യാൻ ആവശ്യപ്പെടും. ഇഖാമ നമ്പർ നൽകി അൽപ സമയം കഴിയുമ്പോൾ മലയാളിയായ കസ്റ്റമർ സർവീസ് അസിസ്റ്റന്റ് സഹായിക്കാനെത്തും. വെള്ളിയാഴ്ച ഒഴികെ എല്ലാ ദിവസവും രാവിലെ എട്ട് മണി മുതൽ രാത്രി എട്ട് മണി വരെ കസ്റ്റമർ കെയർ പ്രവർത്തിക്കുന്നുണ്ട്.

മലയാളികൾ പ്രധാനമായും തൊഴിൽ പ്രശ്‌നങ്ങളെ സംബന്ധിച്ച് അറിയാനാണ് കസ്റ്റമർ കെയറിനെ സമീപിക്കുന്നത്. വീട്ടുവേലക്കാരികൾ, ഹൗസ് ഡ്രൈവർമാർ തുടങ്ങിയവർ ഇഖാമ പ്രശ്‌നങ്ങൾ ഉന്നയിച്ച് വിളിച്ച് പരിഹാര മാർഗങ്ങൾ ആരായാറുണ്ടെന്നും കസ്റ്റമർ കെയർ വൃത്തങ്ങൾ പറഞ്ഞു.

നിർമാണച്ചെലവ് 30% കുറയ്ക്കും ഈ ജിപ്സം വീടുകള്‍

സ്വന്തമായൊരു വീട് എന്നത് ഏതൊരു സാധാരണക്കാരന്റേയും സ്വപ്നമാണ്, ഒരായുസ്സിന്റെ സമ്പാദ്യവും. മിച്ചം പിടിച്ചതും സ്വരുക്കൂട്ടിയതുമൊക്കെ ചേർത്തുവച്ചാലും വായ്പയെടുക്കാതെ ഈ കാര്യം നടക്കില്ല എന്ന സ്ഥിതിയാണ്.
ഒരു തുക പറഞ്ഞു നിർമാണം തുടങ്ങിയാലും പൂർത്തിയാകുമ്പോൾ വീണ്ടും കൈവായ്പ പലതു വാങ്ങേണ്ടിവരും.

നിർമാണ സമയത്തു പരമാവധി ചെലവ് കുറഞ്ഞ മാർഗങ്ങൾ സ്വീകരിക്കുക എന്നതാണ് വീടു നിർമാണം ബജറ്റിൽ അവസാനിപ്പിക്കാനുള്ള മാർഗം. നിർമാണ സാമഗ്രികളിലും രീതികളിലും ചെലവു കുറഞ്ഞതും ഗുണമേന്മയുള്ളതുമായ ഒട്ടേറെ സംവിധാനങ്ങൾ വിപണിയിലെത്തിയിട്ടും പരമ്പരാഗതമായ സിമന്റും മണലും കട്ടയും തടിയും ഉപയോഗിച്ച് നമ്മൾ അധിക സാമ്പത്തിക ബാധ്യത കെട്ടിപ്പൊക്കുന്നു.

മണലിന് പകരം എം- സാൻഡ് ഉപയോഗിക്കാം എന്ന് കേട്ടപ്പോൾ നെറ്റിചുളിച്ചവരൊക്കെ ഇപ്പോൾ മണലിന്റെ പേരുതന്നെ മറന്ന മട്ടാണ്. വീട് നിർമിക്കുന്നതിനു മുൻപ് നിർമാണസാമഗ്രികളിലെ ബദൽ മാർഗങ്ങളെക്കുറിച്ചു ശരിയായി മനസിലാക്കണം.

പ്രാദേശികമായ സാഹചര്യങ്ങളും ലഭ്യതയും കാലാവസ്ഥയുമൊക്കെയനുസരിച്ച് ഇതിൽ ഏതൊക്കെ തിരഞ്ഞെടുക്കാമെന്ന് വിദഗ്ധരുമായി ചർച്ച ചെയ്തു തീരുമാനിക്കാം.

പയറ്റിനോക്കാം ജിപ്സം വാൾ

ഓസ്‌ട്രേലിയയിലും ചൈനയിലും മലേഷ്യയിലും പരീക്ഷിച്ചു വിജയിച്ച ജിപ്സം വാൾ എന്ന സാങ്കേതികവിദ്യ കോൺക്രീറ്റും കമ്പിയും ഉപയോഗിച്ചു വീടുനിർമിക്കുന്നതിനേക്കാൾ 30 % ചെലവുകുറഞ്ഞ രീതിയാണ്.

പൊതുമേഖലാ വളം നിർമാണകമ്പനികളായ രാഷ്ട്രീയ കെമിക്കൽസ് ആൻഡ് ഫെർട്ടിലൈസേഴ്സും ഫാക്ടും ചേർന്നാണ് ഇന്ത്യൻ കാലാവസ്ഥയ്ക്കും സാഹചര്യങ്ങൾക്കും ഇണങ്ങുന്ന വിധത്തിൽ ഈ വിദ്യ ഇവിടെ അവതരിപ്പിക്കുന്നത്.

ഭിത്തികളും മേൽക്കൂരയും ഉൾപ്പെടെയുള്ള പ്രധാന ഭാഗങ്ങളെല്ലാം ജിപ്സം വാളിൽ നിർമിച്ചെടുക്കാം. മുൻകൂട്ടി തയാറാക്കുന്ന ഭിത്തികൾ സെറ്റിൽ കൊണ്ടുവന്നു ഘടിപ്പിച്ച് വീടുനിർമിക്കുന്ന രീതിയാണിത്. അതുകൊണ്ടുതന്നെ പണിക്കൂലിയിനത്തിലും പണം ലാഭിക്കാം.

1400 ചതുരശ്രയടിയുള്ള വീട് ജിപ്സം വാൾ ഉപയോഗിച്ച് നിർമിച്ചെടുക്കാൻ രണ്ടാഴ്ച മതിയാകും. വേഗം നിർമാണം പൂർത്തീകരിക്കാമെന്നതിനാൽ റാപ്പിഡ് വാൾ എന്നും ഇതിനുപറയും. അഞ്ച് ഇഞ്ചാണ് ജിപ്സം വാളിന്റെ കനം.

മിനുസവും ഭംഗിയുമുള്ള പ്രതലമായതിനാൽ പെയിന്റ് ചെയ്താൽ മാത്രം മതി. പ്ലാസ്റ്ററിങ്ങിനും പുട്ടിയിടലിനുമുള്ള പണം ലാഭം. 10 ടൺ ഭാരമുള്ള കോൺക്രീറ്റ് ഭിത്തിയുടെ അതേ അളവിലുള്ള ജിപ്സം വാളിന് ഒന്നര ടൺ ഭാരമേ ഉണ്ടാകൂ.

അടിത്തറ നിർമിക്കുമ്പോൾ കൂടുതൽ ബലപ്പെടുത്തലിനായി അമിത ചെലവു വരില്ല. ഭൂചലനത്തെയും തീപിടിത്തത്തെയും ചെറുക്കുന്ന ജിപ്സം വാളിനു ചൂടും കുറവായിരിക്കുമെന്നു സാങ്കേതിക വിദഗ്ധർ പറയുന്നു.

ജിപ്സം വാളുകൾക്ക് ഉയർന്ന ഭാരവാഹക ശേഷി ഉള്ളതിനാൽ നാലുനില വരെ പില്ലർ ഇല്ലാതെ നിർമിക്കാം. ചിതൽ, കീടങ്ങൾ എന്നിവയെയും ഭയപ്പെടേണ്ട.

ഫാക്ടിന്റെ എറണാകുളം അമ്പലമേട് കേന്ദ്രത്തിൽ ജിപ്സം വാളുകൾ ലഭ്യമാണ്. ചെന്നൈ ഐഐടിയുടെ പ്രത്യേക പരിശീലനം നേടിയ കോൺട്രാക്ടർമാരാണ് ജിപ്സം വാൾ ഉപയോഗിച്ചു വീടു നിർമിച്ചു നൽകുന്നത്. വീടിന്റെ പ്ലാനുമായി ഫാക്ട് കേന്ദ്രത്തെ സമീപിച്ചാൽ കോൺട്രാക്ടർമാരുടെ വിവരങ്ങൾ ലഭിക്കും.

ഇവർ തയാറാക്കി നൽകുന്ന കട്ടിങ് പ്ലാനിലെ അളവ് അനുസരിച്ച് ഭിത്തിക്കും മേൽക്കൂരയ്ക്കുമുള്ള ജിപ്സം വാൾ വാങ്ങാം. കതകും ജനലും മറ്റും ഘടിപ്പിക്കാനുള്ള ഭാഗങ്ങളും മുറിച്ചു നൽകും. പരിശീലനം നേടിയ തൊഴിലാളികളാണ് ഇവ സൈറ്റിലെത്തിച്ചു ഘടിപ്പിച്ചു നൽകുന്നത്.

അറ്റകുറ്റപ്പണിയില്ലാതെ 60 വർഷത്തിലധികം ജിപ്സം വാൾ വീടുകൾ ഉപയോഗിക്കാമെന്ന് ശാസ്ത്രീയമായി തെളിയിക്കപ്പെട്ടിട്ടുള്ളതായി സാങ്കേതികവിദഗ്ധർ പറയുന്നു. കട്ടിങ് പ്ലാനും പണവും നൽകിയാൽ മൂന്നു ദിവസത്തിനുള്ളിൽ ജിപ്സം വാളുകൾ ലഭിക്കും.

പരമാവധി ഷെയര്‍ ചെയ്യൂ. സാധാരണക്കാരില്‍ എത്തിക്കൂ.

കല്യാണം കഴിഞ്ഞ മകൾക്ക് ഒരു അമ്മകൊടുത്ത ചില ഉപദേശങ്ങള്‍ !

മകളെ, നിന്നോടിതൊക്കെ പറയണ്ടത് അത്യാവശ്യമൊന്നുമല്ല. അതെനിക്കറിയാം. കാരണം അത്ര സൂക്ഷ്മതയോടെയാണ് ഞങ്ങള്‍ നിന്നെ വളര്‍ത്തിയത്. നന്മയുള്ളവളായി നല്ല മര്യാദയുള്ളവളായി അനുസരിച്ചു ജീവിക്കുന്നവളായി, അച്ചടക്കമുള്ളവളായിത്തന്നെയാണ് ഞങ്ങള്‍ നിന്നെ വളര്‍ത്തിയത്.

എന്നിരുന്നാലും ഇനി ഞാന്‍ പറയുന്ന ചിലത് എന്റെ പൊന്നു മോളുടെ ജീവിതത്തിലുടനീളം ഒരു ഓര്‍മ്മപ്പെടുത്തലായി , ജീവിത വിജയത്തിനുതകുന്ന വാക്കുകളായി മാനസ്സില്‍ ഉണ്ടാകണം.

അവന്റെ മക്കളെയും അവന്റെ സ്വത്തിനെയും നീ സംരക്ഷിക്കണം.അവന്റെ സ്വത്ത്‌ സംരക്ഷിക്കുന്നതിലൂടെ നീ അവനെ അഭിനന്ദിക്കുകയാണ് ചെയ്യുന്നത്. നീയും അവന്റെ സ്വത്ത് തന്നെ, നിങ്ങള്‍ക്കുണ്ടാകുന്ന കുട്ടികളും. കുട്ടികളെ ശ്രദ്ധിക്കുക വഴി നീ അവിടെ പ്രകടിപ്പിക്കുന്നത് എല്ലാം കൈകാര്യം ചെയ്യാനുള്ള നിന്റെ കഴിവിനെയാണ്.

അവന്റെ രഹസ്യങ്ങള്‍ നീ വെളിപ്പെടുത്തരുത്.അവന്റെ ന്യായമായ കല്പനകള്‍ നീ അനുസരിക്കതിരിക്കുകയുമരുത്.അങ്ങനെ നീ ചെയ്‌താല്‍ അവനു നിന്നോടുള്ള വിശ്വാസത്തിന്‍ മങ്ങല്‍ വരും.അവന്റെ രഹസ്യങ്ങള്‍ പുറത്തു പറയുകയും അവനെ അംഗീകരിക്കാതിരിക്കുകയും ചെയ്‌താല്‍ അവന്റെ അടുക്കല്‍ നിന്നും അതെ നിലപാട് തന്നെ നിനക്ക് മേലും ഉണ്ടായേക്കാം. അവന്റെ ഹൃദയത്തില്‍ നിന്നെക്കുറിച് വെറുപ്പ് വരും.

അവന്‍ ടെന്‍ഷനിലായിരിക്കുമ്പോള്‍ അവന്റെ മുന്‍പില്‍ അമിത സന്തോഷത്തോടെ നടക്കരുത്. അവന്‍ സന്തോഷത്തിലായിരിക്കുമ്പോള്‍ നീ അവന്റെ മുന്നില്‍ മുഖം വീര്‍പ്പിക്കുകയും അരുത്. അവന്റെ മനസ്സറിഞ്ഞു പ്രവൃത്തിക്കുക.

പുരുഷന്മാര്‍ സ്ത്രീകള്‍ക്ക് എന്നപോലെത്തനെ സ്ത്രീകള്‍ പുരുഷന്മാര്‍ക്ക് വേണ്ടിയും സൃഷ്ടിക്കപ്പെട്ടവരാണ്. നീ എന്ന മകളെ ഇതുവരെയും ജീവനും സ്വത്തും ഉപയോഗപ്പെടുത്തി വളര്ര്‍ത്തി സംരക്ഷിച്ചു ഇവിടെ വരെ എത്തിച്ചത് നിന്റെ പുന്നാര അച്ഛനാണ്. ഇനി നിന്റെ എല്ലാം എല്ലാം ആകുന്നതും ഒരു പുരുഷനായ നിന്റെ ഭര്‍ത്താവ് തന്നെ. അതുകൊണ്ട് പുരുഷനെ ആദരിക്കാന്‍ എന്റെ കുട്ടി ഒരിക്കലും മടി കാണിക്കരുത്.

എന്റെ പൊന്നു മകളെ,നീ ഓടിക്കളിച്ചു വളര്‍ന്ന വീട് വിട്ട് നീ പോകാന്‍ തയ്യാറാവുകയാണ്‌. നിന്നെ നീയാക്കിയ വീട് വിട്ട നീ പോവുകയാണ്.ഇതുവരെ പരിചയമില്ലാത്ത ഒരു വീട്ടിലേക്ക്‌. അതും ഇതിനു മുന്‍പേ കൂടെ ജീവിച്ചു പരിചയിച്ചിട്ടില്ലാത്ത ഒരാളുടെ ഭാര്യയായി.അയാളുടെ ഭാര്യയാകുന്നതോടെ അദ്ദേഹത്തിനാണ് നിന്റെ മേല്‍ സര്‍വ അവകാശവും.നീ അവനു യാതൊരു കുറവും കൂടാതെ നോക്കണം. നിനക്ക് ഉപകരിച്ചേക്കാവുന്ന ചില കാര്യങ്ങള്‍ എന്റെ പൊന്നു മോളുടെ ചെവിയില്‍ ഞാന്‍ പറയട്ടെ.

അവന്റെ സാന്നിധ്യത്തില്‍ നീ സംതൃപ്തയായിരിക്കുക .അവന്‍ പറയുന്നത് വ്യക്തമായി കേള്‍ക്കുകയും ന്യായമായവ അതനുസരിക്കുകയും വേണം. അതില്‍ നീ തൃപ്തി കണ്ടെത്തുക. പരസ്പരം തൃപ്തിപ്പെടുത്തുമ്പോള്‍ ദൈവം നിങ്ങളില്‍ തൃപ്തനാകും.

വൃത്തിയായി അണിഞ്ഞൊരുങ്ങി സുന്ദരിയായി അവനു മുന്‍പില്‍ പ്രത്യക്ഷപ്പെടുക. നല്ല ഗന്ധവും നല്ല വസ്ത്രവും കാണാന്‍ ഭംഗിയും ഉള്ളപ്പോള്‍ അവന്‍ നിന്നില്‍ കൂടുതല്‍ അനുരക്തനാവും. ഇഷ്ടപ്പെടാത്തതോന്നും നിന്നില്‍ ഉണ്ടാവാന്‍ പാടില്ല. മാന്യനായ ഭര്‍ത്താവിന്റെ സ്നേഹം പിടിച്ചുപറ്റാന്‍ നിനക്ക് ഇത് വഴി കഴിയും.

നീ അവന് യഥാസമയം ഭക്ഷണം നല്‍കുകയും അവനെ സ്വസ്തതയോട് കൂടി ഉറങ്ങാന്‍ അനുവദിക്കുകയും വേണം.വിശപ്പെന്ന് പറയുന്നത് കത്തിക്കൊണ്ടിരിക്കുന്ന ഒന്നാണ്.അതിനെ വേഗം അണക്കണം.അതുപോലെ ഉറക്കത്തില്‍ അവനെ ശല്യപ്പെടുത്തിയാല്‍ ഒരു പക്ഷെ അവന് ദേഷ്യം വന്നേക്കാം. ഭക്ഷണവും ഉറക്കവും ഏറെ കഷ്ടപ്പെട്ട് നമുക്ക് വേണ്ടി അധ്വാനിക്കുന്ന പുരുഷന്റെ അവകാശമാണ്. അതില്‍ അവനു അസ്വസ്ഥതകള്‍ ഉണ്ടാക്കിക്കൂട.

വീടും വീട്ടുകാരെയും വിട്ടു പ്രിയപ്പെട്ടവനൊപ്പം ജീവിതം ആരംഭിക്കുവാന്‍ പുറപ്പെടുന്ന ഓരോ സഹോദരിമാരും അറിഞ്ഞിരിക്കേണ്ട ചിലതാണ് മുകളില്‍ പറഞ്ഞത്. മുന്നിലുള്ള നീണ്ടു കിടക്കുന്ന ജീവിതത്തെ, അതില്‍ ഉണ്ടാകുന്ന നിര്‍ണ്ണായക ഘട്ടങ്ങളെ എങ്ങനെ നേരിടണം കൈകാര്യം ചെയ്യണം എന്ന ആശങ്കകളും പേറിയാണ് ഓരോ പെണ്‍കുട്ടിയും ജീവിതം ആരംഭിക്കുന്നത്. ഭര്‍ത്താവിന്റെ സന്തോഷത്തില്‍ മാത്രമാണ് തന്റെയും സന്തോഷം എന്ന് തിരിച്ചറിയുന്നിടത്താണ് അവളുടെ ജീവിത വിജയം. അതുകൊണ്ട് തന്നെ ഭര്‍ത്താവിനോടും അവന്റെ കുടുംബത്തോടും അവന്‍ നല്‍കുന്ന കുട്ടികളോടും സൌമ്യതയോടെ തൃപ്തിയോടെ മാത്രമേ പെരുമാറാന്‍ പാടുള്ളൂ. എന്ന് വച്ചു പീഡനങ്ങള്‍ സഹിക്കാനല്ല, സ്വന്തം ഭര്‍ത്താവിന്റെ നന്മയെ അറിയുകയും അതിനെ പരിപോഷിപ്പിക്കുകയും അവനെ സന്തോഷിപ്പിക്കുകയും അവന്റെ സ്നേഹത്തില്‍ നിന്നും സന്തോഷം നേടുകയും ചെയ്യുക. നിനക്ക് നന്മ വരട്ടെ.

ആളാകാന്‍ അഭ്യാസങ്ങളുമായി ടൂവീലറില്‍ പറക്കുന്ന എല്ലാര്‍ക്കും ഒരു മുന്നറിയിപ്പ് !!!

കേരളത്തിൽ കഴിഞ്ഞ 10 വർഷത്തിനിടയിൽ ഉണ്ടായിട്ടുള്ള റോഡപകടങ്ങളിലും മരങ്ങളിലും ബൈക്ക് യാത്രക്കാരുടെ എണ്ണത്തിലുള്ള വർദ്ധനവ് ആരെയും ഞെട്ടിയ്ക്കുന്നതാണ്. പ്രതിദിനം 5 യുവാക്കളാണ് കേരളത്തിലെ റോഡുകളിൽ ചോരവാർന്ന് മരിക്കുന്നത്. അപകടത്തിൽപെട്ട് എന്നെന്നേക്കുമായി കിടപ്പിലായിപോയവർ വളരെ കൂടുതലാണ്. അമിത വേഗം മാത്രമാണ് ഇത്തത്തിലുള്ള അപകടങ്ങളിൽ 90% എണ്ണത്തിനും കാരണമായി ചൂണ്ടിക്കാട്ടുന്നത്.


അമിത വേഗതയും അശ്രദ്ധയുമാണ് റോഡുകളില്‍ ചോര വീഴ്ത്തുന്ന പ്രധാന ഘടകങ്ങള്‍. ഇരു ച്രകവാഹനങ്ങളില്‍ അതിവേഗം കുതിക്കുന്നവര്‍ അറിയേണ്ട ചില കാര്യങ്ങളുണ്ട്. തേവര പൊലീസ് കണ്‍ട്രോള്‍ റൂമില്‍ ചെയ്യുന്ന ഒരു പൊലീസ് ഉദ്യോഗസ്ഥന്റെ കുറിപ്പ്. യാത്രികനും എഴുത്തുകാരനും കൂടിയായ സുനില്‍ ജലീല്‍ എഴുതുന്നു.

ടൂ വീലറില്‍ എണ്‍പതിനു മേലെ പിടിപ്പിക്കുമ്പോൾ ഹാന്‍ഡില്‍ വിറക്കുന്നു. കത്തിച്ചുവിട്ട് മലമ്പാതയിൽ രണ്ടു മണിക്കൂര്‍ കൊണ്ട് നൂറ്റിയിരുപത് കിലോമീറ്റര്‍ ഓടിയെത്തി.എന്നൊക്കെ ചില യാത്രാനുഭവങ്ങളില്‍ വായിക്കാറുണ്ട്.


വേറെ ചില ഫോറങ്ങളിലെ ക്രാഷ് ടെസ്റ്റ് ചര്‍ച്ചകളില്‍ പലരും മാരുതി കാറുകളെ കളിയാക്കുന്നതും കണ്ടിട്ടുണ്ട്. നമുക്ക് രണ്ടും ചേര്‍ത്തുവെച്ച്‌ വായിക്കേണ്ടതാണ്. ക്രാഷ് ടെസ്റ്റില്‍ തരിപ്പണമാകുന്ന ഒരു കാറിനെക്കാള്‍ വളരെ താഴെയാണ് സുരക്ഷയില്‍ മോട്ടോര്‍ സൈക്കിളുകള്‍. എന്നിട്ടും സ്വന്തം ജീവനെപ്പറ്റിയോ മറ്റുള്ളവരുടെ സുരക്ഷയോ ചിന്തിക്കാതെ ബൈക്ക് പറപ്പിക്കുന്നവരെ എമ്പാടും കാണാം.

പലപ്പോഴും കൂടെ റോഡ് പങ്കിടുന്നവരുടെ ഡ്രൈവിംഗ് മര്യാദയും ദയയും റിഫ്ലക്സും കാരണമാണ് ഇവരൊക്കെ കുടുംബത്ത് തിരിച്ചെത്തുന്നത്. എന്നാലും പിറ്റേദിവസം വീണ്ടും റോഡിന് ബാധ്യതയായി ഇത്തരക്കാര്‍ പിന്നെയും ഇറങ്ങും.

മറ്റുള്ളവര്‍ നല്‍കുന്ന ഭിക്ഷയാണ് തന്റെ ജീവനെന്ന് അവന്‍ അറിയുന്നില്ല. ആ വിഡ്ഢിയുടെ വിചാരം അത് അവന്റെ കഴിവാണെന്നാണ്. കേരളത്തിലെ നാലുവരിപ്പാതകളില്‍ മണിക്കൂറില്‍ 70 കിലോമീറ്ററാണ് മോട്ടോര്‍ സൈക്കിളുകളുടെ പരമാവധി വേഗത. രണ്ടുവരിയുള്ള ദേശീയപാതകളില്‍ 60 കിലോമീറ്റര്‍, സംസ്ഥാന പാതകളില്‍ 50 കിലോമീറ്റര്‍ എന്നിങ്ങനെയും മറ്റു റോഡുകളില്‍ അതിലും താഴെയുമാണ് അനുവദനീയമായ വേഗത.

അപകടസ്ഥലങ്ങളില്‍ പലതവണ ഓടിയെത്തുകയും ഇന്‍ക്വസ്റ്റുകളില്‍ പങ്കെടുക്കുകയും ചെയ്തിട്ടുള്ള അനുഭവങ്ങളില്‍ ചിലത് പറയട്ടെ. ഒന്നാമതായി, നിങ്ങള്‍ ഒരു അപകടത്തില്‍ പെട്ടാല്‍ ഓടിക്കൂടുന്നവരില്‍ 95 ശതമാനം പേരും കാഴ്ചക്കാരായിരിക്കും. അത് നമ്മുടെ ഒരു ആചാരമാണ്.

അപകടം സീരിയസാണെങ്കില്‍ നിങ്ങള്‍ പിടയുന്നതും ചോര വാര്‍ന്ന് ബോധക്ഷയത്തിലേക്ക് പോവുന്നതും അനക്കം നിലച്ച്‌ മരിക്കുന്നതും അവര്‍ കാണുകയും പറ്റിയാല്‍ ചിത്രീകരിക്കുകയും ചെയ്യും. ഇവിടെ ആരെയാണ് നിങ്ങള്‍ പ്രതീക്ഷിക്കുന്നത്? എത്ര വേഗതയില്‍ വരെയുള്ള ഇടി നമുക്ക് അതിജീവിക്കാനാവുമെന്നാണ് നിങ്ങള്‍ കരുതുന്നത്?


ഇടപ്പളളി ഒബറോണ്‍മാളിന് സമീപം കുറച്ചു വര്‍ഷങ്ങള്‍ മുമ്ബ് ഒരു സൂപ്പര്‍ ബൈക്ക് അപകടത്തില്‍ പെട്ടിരുന്നു. 200 കിലോമീറ്ററോളം വേഗതയില്‍ മീഡിയനിലെ കൊന്നമരത്തില്‍ ഇടിച്ചുകയറിയ ആ ചെറുപ്പക്കാരന്റെ തല മരത്തില്‍ തന്നെ അടിച്ച്‌ ചിതറിപ്പോയിരുന്നു.
ഒരു കൈ പറിഞ്ഞുപോയി തട്ടിയിട്ട് റോഡിന്റെ അപ്പുറത്തെ വശത്തെ മരത്തിന്റെ കൊമ്ബടക്കം ഒടിച്ചാണ് താഴെയെത്തിയത്. തലയില്ലാത്ത കഴുത്തിലൂടെ ആന്തരാവയവങ്ങള്‍ പുറത്തേക്ക് തള്ളിവന്നിരുന്നു. ആ മരം ഇപ്പോള്‍ കാണുമ്ബോഴും ആ രാത്രി ഞാന്‍ ഓര്‍ക്കാറുണ്ട്.

ദേശാഭിമാനി ജംഗ്ഷനില്‍ വര്‍ഷങ്ങള്‍ മുൻപുണ്ടായ ആക്സിഡന്റില്‍ ഒരാള്‍ മരിച്ചത് ട്രാഫിക് ഐലന്റിലിടിച്ച്‌ വലംകാല്‍ അരയില്‍ നിന്ന് പറിഞ്ഞു പോയി ചോര വാര്‍ന്നായിരുന്നു. ആ വിജനമായ അര്‍ധരാത്രിയില്‍ എത്ര വേഗതയിലാവും ആ ചെറുപ്പക്കാരന്‍ ഓടിച്ചിരിക്കുക. ഓര്‍മയില്‍ വരുന്ന ബൈക്കപകടങ്ങളില്‍ മറ്റൊന്ന് കുണ്ടന്നൂര്‍ ഐലന്റ് റോഡില്‍ കൊങ്കണ്‍ ടാങ്കിനടുത്ത് നടന്ന ഒന്നാണ്. വിവാഹവീട്ടിലേക്ക് അനുജനെയും കൂട്ടി മട്ടാഞ്ചേരിയില്‍ നിന്ന് ഓടിച്ചുവന്ന ചെറുപ്പക്കാരന്‍ മറ്റൊരു വാഹനത്തെ അതിവേഗത്തില്‍ ഓവര്‍ടേക്ക് ചെയ്യുകയായിരുന്നു.

എതിരെ വന്ന കാര്‍ ബ്രേക്കിട്ട് നിര്‍ത്തിക്കൊടുത്തെങ്കിലും അതിലിടിച്ച്‌ മുകളിലൂടെ തെറിച്ച്‌ റോഡില്‍ വീണ ഇരുവരും തല തകര്‍ന്നാണ് മരിച്ചത്. അന്ന് ഞങ്ങള്‍ ഒരുപാട് മണ്ണുവാരിയിട്ടിട്ടും ചോരയില്‍ നനഞ്ഞുകിടന്ന റോഡ് ഫയര്‍ഫോഴ്സ് എത്തിയാണ് ക്ലീന്‍ ചെയ്തത്.
കോമ അവസ്ഥയില്‍ ശപിക്കപ്പെട്ട ജീവിതം നയിക്കുന്ന എത്രയോ പേരുടെ കാര്യമോർക്കുമ്പോൾ ദ്രുതമരണങ്ങള്‍ ഒരു കണക്കിന് അനുഗ്രഹമാണെന്നു പറയാം. എനിക്കിത് സംഭവിക്കില്ലെന്നും ഞാന്‍ പുലിയാണെന്നും കരുതരുത്. വീണുപോയവരും സ്വയം പുലികള്‍ തന്നെയായിരുന്നു.

കൂട്ടുകാരെ, ഇന്‍ക്വസ്റ്റിനു വേണ്ടി മരിച്ചവന്റെ ശരീരത്തിന്റെ അളവെടുക്കലും മുറിവുകളുടെ ആഴവും സ്വഭാവവും എഴുതലും തിരിച്ചറിയല്‍ അടയാളം രേഖപ്പെടുത്തലും ഞങ്ങള്‍ വളരെ യാന്ത്രികമായി ചെയ്യാറുണ്ട്. ഒരു മൃതദേഹത്തെ തൊട്ടിട്ടുണ്ടോ? ആദ്യ സ്പര്‍ശം മുതല്‍ മനസ്സിലാവും. അത് ഒരു മനുഷ്യനേയല്ല. ഇപ്പോള്‍ ജഡം മാത്രമായിരിക്കുന്ന, ഭൂതകാലത്തില്‍ ജീവിച്ചിരുന്ന പ്രിയപ്പെട്ടവര്‍.


എങ്കിലും പ്രായത്തില്‍ ഇളയവരെ ചേതനയില്ലാതെ കാണുമ്പോൾ വേദനയുടെ ഒരു വേലിയേറ്റമുണ്ടാവാറുണ്ട്. ഏതാനും നാഴികമുൻപ് വരെ സ്വപ്നങ്ങള്‍ കണ്ടിരുന്ന തുറന്ന കണ്ണുകള്‍ അടക്കുമ്പോൾ കണ്ണുകള്‍ നിറയാറുണ്ട്.

അനുഭവങ്ങള്‍ നിരവധിയുണ്ട്. യാത്രകള്‍ അകാലത്തില്‍ ഇടക്കുവെച്ച്‌ നിലച്ചു പോകേണ്ടവയല്ല. വേഗത നിയന്ത്രിക്കൂ. അശ്രദ്ധയും അതിവേഗവും നമ്മെ ആഹ്ലാദത്തിന്റെ പ്രകാശിതമായ കൊടുമുടികളില്‍ നിന്നും ആറടി മണ്ണിന്റെ ഇരുട്ടിലേക്ക് തള്ളിയിടാതിരിക്കട്ടെ. ജീവിതം സ്വപ്നങ്ങളെ പൂർത്തീകരിക്കേണ്ട ഒന്നാണ് ആസ്വദിക്കേണ്ട ഒന്നാണ്. സർക്കസ്സിൽ ട്രപ്പീസുകളിക്കാരനെപ്പോലെ ശ്രദ്ധയൊന്നു പിഴച്ചാൽ താഴെവീണ് ചിതറേണ്ടതല്ല.

ഈ മാര്‍ഗമുപയോഗിച്ചു മാരക വിഷം നിറഞ്ഞ മുന്തിരി വൃത്തിയാക്കാം

മറ്റേതൊരു കൃഷിയിലും എന്നപോലെ മുന്തിരി കൃഷി ചെയ്യുമ്പോള്‍ ബാധിക്കുന്ന രോഗങ്ങള്‍ അകറ്റാന്‍ രാസവളങ്ങള്‍ പ്രയോഗിക്കും. കൂടാതെ പാകമാകുമ്പോള്‍ പറിച്ചു പായ്ക്ക് ചെയ്ത് മാര്‍ക്കറ്റില്‍ എത്തിക്കുന്നവയില്‍ ദിവസങ്ങളോളം കേടു വരതിരിക്കാനുമായി പായ്ക്ക് ചെയ്യുന്നതിന് മുമ്പ് തന്നെ വിഷ ലായനികളില്‍ മുക്കി വെക്കുക പതിവാണ്.

ഇങ്ങനെ കൊടിയ വിഷം പുരണ്ട പഴവര്‍ഗങ്ങളാണ് മാര്‍ക്കറ്റില്‍ എത്തുക. യഥാര്‍ത്ഥത്തില്‍ നമ്മള്‍ മുന്തിരി വില കൊടുത്ത് വാങ്ങുമ്പോള്‍ രോഗങ്ങളും വിലകൊടുത്തു വാങ്ങുന്നു. ഉദാഹരണത്തിന് എന്‍ഡോസള്‍ഫാന്‍ എന്ന മാരകവിഷം ലോകത്തിന്‍റെ പലഭാഗത്തും നിരോധിച്ചിട്ടുണ്ടെങ്കിലും മാര്‍ക്കറ്റില്‍ അത് ലഭ്യമാണ്. അതുകൊണ്ട് തന്നെ കര്‍ഷകര്‍ ഇവ വ്യാപകമായി ഉപയോഗിക്കുന്നു. അവിടംകൊണ്ടും തീര്‍ന്നില്ല, മാര്‍ക്കറ്റില്‍ എത്തുന്ന പഴവര്‍ഗങ്ങള്‍ കേടുകൂടാതെ സൂക്ഷിക്കാനും ആരോഗ്യത്തിന് ഹാനികരമായ രാസവസ്തുക്കള്‍ ഉപയോഗിക്കുന്നു.

മാരകമായ ഒരുപാട് വിഷ പദാര്‍ത്ഥങ്ങള്‍ നിറച്ചാണ് മുന്തിരി വിപണികളില്‍ എത്തുന്നത് എന്ന് അറിയാമോ ? ഇത് സാധാരണ വെള്ളത്തില്‍ മാത്രം കഴുകിയാല്‍ വിഷ മുക്തമാവില്ല എന്ന് മനസിലാക്കണം. മുന്തിരി എളുപ്പത്തില്‍ വൃത്തിയാക്കാന്‍ ഒരു മാര്‍ഗമുണ്ട്.

ആദ്യമായി ഓരോ മുന്തിരിയും കുലയില്‍ നിന്ന് വേര്‍പ്പെടുത്തി എടുത്തു ഒരു പാത്രത്തില്‍ വെക്കുക.
ഇനി മുന്തിരി നല്ലപോലെ വൃത്തിയാക്കാന് ആവശ്യമായ സാധനങ്ങള്‍ എന്തൊക്കെ എന്ന് നോക്കാം. ബേക്കിംഗ് പൗഡര്‍ ഒരു ടിസ്പൂണ്‍, ഒരു ടേബിള്‍ സ്പൂണ്‍ ഉപ്പ് എന്നിവ മുന്തിരി വെച്ചിരിക്കുന്ന പാത്രത്തില്‍ ചേര്‍ത്ത് നന്നായി കുലുക്കുക.

ഇങ്ങനെ ബേക്കിംഗ് പൗഡറും ഉപ്പും മുന്തിരിയില്‍ നന്നായി പുരളും വിധത്തില്‍ ചേര്‍ത്ത് അര മണിക്കൂര്‍ നേരം വെക്കുക. അര മണിക്കൂര്‍ കഴിഞ്ഞു മുന്തിരി നല്ല വെള്ളം ഉപയോഗിച്ച് നന്നായി കഴുകി എടുത്താല്‍ മതിയാകും.

ശരീരത്തിലെ ഓരോ അധിക കിലോ ഭാരവും കാഴ്ചയെ ബാധിക്കും; ഒടുവില്‍ ഇരുട്ടിലുമാക്കും

ശരീരത്തിലെ ഓരോ അധിക കിലോ ഭാരവും കാഴ്ചയെ ബാധിക്കും; ഒടുവില്‍ ഇരുട്ടിലുമാക്കും. അരക്കെട്ടിലുണ്ടാകുന്ന വണ്ണക്കൂടുതലും അമിതഭാരവും മാത്രമല്ല കൊഴുപ്പ് സമ്മാനിക്കുന്നത്, കണ്ണിനെ കൂടി ഇരുട്ടിലാക്കാന്‍ അതിന് കഴിയും.

അന്നനാളത്തിലെ ബാക്ടീരയകളുടെ കൂട്ടത്തെ മാറ്റിമറിക്കാന്‍ കൊഴുപ്പിന് കഴിയും. ഇവയുടെ പരിവര്‍ത്തനം പ്രായാധിക്യത്താല്‍ ഉണ്ടാകുന്ന മാക്യലര്‍ ഡീജനറേഷന്‍ അഥവ AMD-ക്ക് കാരണമാകും. അന്ധതാ രോഗങ്ങളെ ക്ഷണിച്ചു വരുത്തുമെന്ന് ചുരുക്കം. കാഴ്ച മങ്ങാനും തിളക്കത്തെ പ്രതിരോധിക്കാനും കഴിയാത്ത അവസ്ഥയിലേക്കാണ് ഇവ കൊണ്ടു ചെന്നെത്തിക്കുക.

അമിത ഭാരവും കൊഴുപ്പും കാഴ്ചയും തമ്മില്‍ ബന്ധിപ്പിക്കുന്ന പുതിയ പഠനമാണ് മുന്നറിയിപ്പ് നല്‍കുന്നത്. കുടലുകളിലെ ബാക്ടീരിയകള്‍ക്ക് അന്ധതയിലേക്ക് ശരീരം നീങ്ങുന്നതില്‍ വലിയ പങ്കുണ്ടെന്നാണ് പഠനം പറയുന്നത്. രക്തക്കുഴല്‍ സംബന്ധമായ കണ്ണിന്റെ പ്രായാധിക്യത്തിലുണ്ടാകുന്ന പ്രശ്‌നങ്ങള്‍ക്ക് ഗട്ട് മൈക്രോബയോം കാരണമാകുമെന്ന് ഗവേഷകനായ മൈക് സഫീഹ പറയുന്നു. കാനഡയിലെ മോണ്‍ട്രിയല്‍ സര്‍വ്വകലാശാലയിലെ പ്രൊഫസറാണ് ഇദ്ദേഹം.

അന്ധരോഗങ്ങള്‍ക്ക് കാരണമാകാന്‍ ശരീരത്തിനുള്ളില്‍ വസിക്കുന്ന ബാക്ടീരിയകള്‍ കാരണമാകും. അന്നനാളത്തിലും കുടലിലും വസിക്കുന്ന ബാക്ടീരിയകള്‍ക്ക് കൊഴുപ്പ് മൂലമുണ്ടാകുന്ന വ്യതിയാനങ്ങള്‍ ആരോഗ്യത്തിന് വലിയ പ്രതിസന്ധി സൃഷ്ടിക്കുമെന്നും ഗവേഷകര്‍ പറയുന്നു.

കണ്ണിന്റെ പിന്‍ഭാഗത്ത് വലിയ രീതിയില്‍ കൊഴുപ്പ് അടിയുന്നതാണ് AMD രോഗം. നാഡികോശങ്ങളെ കൊഴുപ്പ് നശിപ്പിക്കുന്നതാണ് ഈ രീതിയിലുള്ള അന്ധതയ്ക്ക് കാരണം. നാഡീ കോശങ്ങളെ നശിപ്പിച്ച ശേഷം രക്തക്കുഴലില്‍ അസുഖകരമായ വളര്‍ച്ചയുണ്ടാകുന്നു.

തുടക്കത്തില്‍ തന്നെ എഎംഡി തിരിച്ചറിഞ്ഞാല്‍ ചികില്‍സ തേടാം. എന്നാല്‍ കാലം കഴിയുതോറും ചികില്‍സയുടെ ഫലം കുറഞ്ഞുവരും. അതിനാല്‍ രോഗം

ക്യാന്‍സറിന്‍റെ മരണക്കയത്തിൽ നിന്നും മഹത്തായ ഒരു ആയുര്‍വേദ ഔഷധംകൊണ്ട് ജീവന്‍ തിരിച്ചു കിട്ടിയ ഒരു എഞ്ചിനീയറുടെ അനുഭവകഥ

വൈദ്യ ശാസ്ത്രത്തിന് മുന്നിലെ ഏറ്റവും വലിയ വെല്ലുവിളിയാണ് അർബുദം അഥവാ ക്യാൻസർ എന്ന രോഗം. രോഗം മൂർച്ഛിച്ചാൽ രോഗി രക്ഷപ്പെടാനുള്ള സാദ്ധ്യത വളരെ വിരളമാണ്. കീമോ തെറാപ്പി പോലുള്ള ചികിത്സകൾക്ക് രോഗിയുടെ ആയുസ്സ് കുറച്ചുകാലം കൂടി നീട്ടി നൽകാൻ കഴിഞ്ഞേക്കും. എങ്കിലും രോഗ ബാധയുടെ അവസാന ഘട്ടത്തിൽ എത്തിയവർക്ക് ചികിത്സകൾ പലതും ഫലിക്കാറില്ല. അപ്പോഴേക്കും രോഗിയും കുടുംബവും ആസന്നമായ മരണത്തിന് വേണ്ടി മാനസികമായി തയ്യാറെടുത്തിരിക്കും. അത്തരം ഒരു മരണച്ചുഴിയിൽ നിന്നും ആയുർവേദം എന്ന മഹാവൈദ്യൻ കരകയറ്റിയ ഒരാളാണ് ഇന്ന് നമ്മോട് സംസാരിക്കുന്നത്.

കെമിക്കൽ എൻജിനീയറിംഗിൽ ഉന്നത ബിരുദം സ്വന്തമാക്കിയ കോഴിക്കോട് സ്വദേശി ഹരീന്ദ്രനാഥ് ന്യൂസിലൻഡിലെ ഓയിൽ ആൻഡ് ഗ്യാസ് കമ്പനിയിൽ കെമിക്കൽ എൻജിനീയർ ആയി ജോലി ചെയ്യവേ 2002 കാലത്താണ് ആണ് ഹരീന്ദ്രന് രക്താർബുദം പിടിപെടുന്നത്. ന്യൂസിലൻഡിലെ പ്രഗത്ഭമായ പല ആശുപത്രികളിലും അതി വിദഗ്ദരായ ഡോക്ക്റ്റർമാരുടെ ചികിത്സ നേടി. പല രീതിയിലുമുള്ള ചികിത്സകളും ഫലം കണ്ടില്ല ഒടുവിൽ കീമോ തെറാപ്പിക്ക് വിധേയനായി അവിടെയും പ്രതീക്ഷ കൈവിട്ടു.

അപ്പോഴേക്കും 8 വർഷങ്ങൾ കഴിഞ്ഞിരുന്നു. ഹതാശനായി എപ്പോൾ വേണമെങ്കിലും തേടി എത്തിയേക്കാവുന്ന മരണത്തെ സ്വീകരിക്കാൻ മനസ്സാൽ സന്നദ്ധനായി ഹരീന്ദ്രനാഥ് നാട്ടിലേക്ക് മടങ്ങി . നാട്ടിലും പ്രശസ്തമായ ഹോസ്പിറ്റലുകളിൽ ചികിത്സ നോക്കി. അവർക്കും കൂടുതലൊന്നും ചെയ്യാനുണ്ടായിരുന്നില്ല. അപ്പോഴേക്കും രോഗം മൂർച്ഛിച്ച് ശരീരം തളർന്ന് വീൽ ചെയറിൽ ആയിരുന്നു. ശരീര ഭാരം നാലിലൊന്നായി.

ഒടുവിൽ ഒട്ടും പ്രതീക്ഷയില്ലാതെയാണ് ആയുർവേദവും പരീക്ഷിച്ച് നോക്കാമെന്ന് ഇദ്ദേഹം തീരുമാനിക്കുന്നത്. ഇന്റെര്നെറ്റിലൂടെയാണ് കാൻസറിനുള്ള ആയുർവേദ മരുന്നുകളെ കുറിച്ചുള്ള അന്വേഷണം ആരംഭിക്കുന്നത്. ഒടുവിൽ നാട്ടിൽ സുലഭമായ പരമ്പരാഗത ഔഷധ ചെടിയായ അശ്വഗന്ധയുടെ നീര് തന്റെ രോഗത്തിന് ശമനം നൽകും എന്ന് രവീന്ദ്രനാഥ് വായിച്ചറിഞ്ഞു. ഒരു വൈദ്യന്റെ നിർദ്ദേശത്തോടെ അശ്വഗന്ധയുടെ നീര് എന്ന ഔഷധം സേവിക്കാൻ തുടങ്ങി.

ദിവസങ്ങൾക്കുള്ളിൽ തന്നെ അത്ഭുതകരമായ മാറ്റങ്ങളാണ് ഉണ്ടായത്. ആഴ്ചകൾക്കുള്ളിൽ തന്നെ രോഗിയുടെ നില വലിയ രീതിയിൽ മെച്ചപ്പെട്ടു. ഒരു മാസത്തെ ഉപയോഗം കൊണ്ട് രക്തത്തിലെ ലിംഫോസൈറ്റിന്റെ അളവ് അഞ്ചിരട്ടിയായി ഉയർന്നു. ശരീരരത്തിന് രോഗപ്രതിരോധ ശേഷി നൽകുന്ന രക്തത്തിലെ ഘടകമാണ് ലിംഫോസൈറ്റ്. തന്മൂലം ആരോഗ്യം വളരെ അധികം മെച്ചപ്പെട്ടു.

ശരീരഭാരം വീണ്ടെടുത്തു. അതെ അവിടെ ആ അത്ഭുതം പ്രവർത്തിക്കുകയായിരുന്നു. ആയുസ്സിന്റെ വേദമായ ആയുർവേദത്തിന്റെ മഹാത്ഭുതം. ഒരു വർഷം കൊണ്ട് അർബുദം എന്ന രോഗം രവീന്ദ്രനാഥിനെ പൂർണ്ണമായും വിട്ടുപിരിഞ്ഞു. മരണത്തിൽ നിന്നും തന്നെ കൈപിടിച്ചുയർത്തിയ ആ മഹാ വൈദ്യത്തിന്റെ സാദ്ധ്യതകൾ പ്രചരിപ്പിക്കാനുള്ള ശ്രമങ്ങളിലാണ് ഇന്ന് രവീന്ദ്രനാഥ് ഒരു മുപ്പതുകാരന്റെ ചുറുചുറുക്കും ആരോഗ്യത്തോടും കൂടെ.

പാമ്പിന്‍റെ കടിയേറ്റാല്‍ വിഷചികിത്സാ കേന്ദ്രത്തിലേക്കല്ല ഓടേണ്ടത്‌ !

കോട്ടയത്ത് പാമ്പുകടിയേറ്റ് ഒരു നാലുവയസ്സുകാരൻ മരണപ്പെട്ട വാർത്ത വായിച്ചു. അംഗനവാടിയിൽ നിന്നും തിരികെ വീട്ടിലേക്ക് പോകുമ്പോഴായിരുന്നു പാമ്പുകടിയേറ്റത്.

വിവരമറിയാതെ കുട്ടി ബോധമറ്റു വീണതിനെ തുടർന്ന് ബന്ധുക്കൾ പുഞ്ചവയലിലുള്ള സ്വകാര്യ വിഷചികിത്സാ കേന്ദ്രത്തിൽ കൊണ്ടുപോയി എന്നാണ് വാർത്ത. സ്ഥിതി വഷളായതിനെ തുടർന്ന് കോട്ടയം മെഡിക്കൽ കോളേജിലേക്ക് കൊണ്ടുപോകുന്ന വഴി മരണമടഞ്ഞു. സങ്കടകരമാണ്, ആ കുഞ്ഞിന്റെ വേർപാടിൽ അനുശോചിക്കുന്നു.

ഗോൾഡൻ അവർ എന്നൊന്നുണ്ട്, മലയാളത്തിൽ സുവർണ നിമിഷങ്ങൾ എന്നുപറയാം. എന്തുതരം അപകടവും ആയിക്കോട്ടെ, ശരിയായ ശാസ്ത്രീയ ചികിത്സാ സൗകര്യമുള്ള സ്ഥലത്ത് എത്രയും പെട്ടെന്ന് എത്തിയാൽ, രക്ഷപ്പെടാനുള്ള സാധ്യത അത്രയും വലുതായിരിക്കും. ആ സമയമാണ് കപട ചികിത്സയുടെ പേരിൽ നഷ്ടപ്പെടുന്നത്.

കേരളത്തിൽ ആകെ 101 തരം പാമ്പുകൾ ആണുള്ളത്. അതിൽ തന്നെ മനുഷ്യ ജീവന് അപകടകരമായ രീതിയിൽ വിഷമുള്ള 10 പാമ്പുകൾ മാത്രം. അതിൽ അഞ്ചെണ്ണം കടൽപാമ്പുകൾ ആണ്. അതായത് കരയിൽ കാണുന്ന 95 തരം പാമ്പുകൾ 5 തരത്തിന് മാത്രമേ മനുഷ്യന്റെ ജീവൻ അപഹരിക്കാൻ കഴിവുള്ളൂ എന്നർത്ഥം. മനുഷ്യ ജീവന് അപകടകരമായ വിഷപ്പാമ്പുകളുടെ എല്ലാ കടികളും മരണകാരണം ആവുകയുമില്ല. ഇര പിടിച്ചതിന് ശേഷമുള്ള കടികളിലും പല്ലുകൾ ആഴത്തിൽ ഇറങ്ങാത്ത കടികളിലും മനുഷ്യ ശരീരത്തിലേക്ക് മരണ കാരണമാകാവുന്ന അളവിൽ വിഷം പ്രവേശിക്കണം എന്നില്ല. ഈ രണ്ട് സാധ്യതകളുമാണ് പലപ്പോഴും വ്യാജ ചികിത്സകർ ഉപയോഗിക്കുന്നത്.

പാമ്പുകളുടെ വിഷം പ്രോട്ടീനുകളാണ്. ഈ പ്രോട്ടീനെ നിർവീര്യമാക്കാനുള്ള മറുമരുന്ന് കുതിരകളിൽ നിന്നാണ് നിർമ്മിക്കുന്നത്. മനുഷ്യ മരണത്തിന് കാരണമാകാവുന്ന മൂർഖൻ, ശംഖുവരയൻ, അണലി, ചുരുട്ട മണ്ഡലി എന്നീ നാലു പാമ്പുകളുടെ വിഷം കുതിരയിൽ കുത്തിവച്ച്, കുതിരയുടെ ശരീരത്തിലുണ്ടാകുന്ന ആന്റിബോഡി രക്തത്തിൽ നിന്നും വേർതിരിച്ചെടുക്കുന്നു. ഇതാണ് മറുമരുന്ന്.

കല്ല് ശരീരത്തിൽ വച്ചാലോ, പച്ചിലകൾ പിഴിഞ്ഞൊഴിച്ചാലോ ഈ പാമ്പുകളുടെ വിഷത്തിന് മരുന്നാവില്ല എന്ന് ചുരുക്കം.

മന്ത്രവാദം നടത്തിയും ഒറ്റമൂലി പ്രയോഗിച്ചും പാമ്പുകടിയേറ്റവരെ രക്ഷിച്ചു എന്ന അവകാശവാദം മുഴക്കുന്നവർക്ക് പത്മശ്രീ അടക്കമുള്ള ബഹുമതികൾ നൽകുമ്പോൾ, അവർ വിതയ്ക്കുന്ന അശാസ്ത്രീയതകൾക്ക് ഇരയാകുന്നത് സാധാരണക്കാരാണ്. ഇതൊക്കെ വിശ്വസിക്കുന്ന സാധാരണക്കാരാണ് വീണ്ടും വീണ്ടും ഈ അബദ്ധത്തിൽ ചാടുന്നത്. എന്തിലും ഏതിലും പഴമയുടെ സിദ്ധാന്തം നിറച്ചാൽ, നഷ്ടപ്പെടുന്നത് നമ്മുടെ കുഞ്ഞുങ്ങളുടെ ജീവനാണ് എന്ന് മറക്കരുത്.

സുവർണ്ണ നിമിഷങ്ങളെ കുറിച്ച് ഒരു വാക്കുകൂടി. പാമ്പുകടികളിൽ ബഹുഭൂരിപക്ഷവും സംഭവിക്കുന്നത് ഗ്രാമപ്രദേശങ്ങളിലാണ്. പാമ്പുകടിക്കെതിരെയുള്ള മറുമരുന്ന് അടക്കമുള്ള സൗകര്യങ്ങളുള്ള ആശുപത്രികൾ നഗരങ്ങളിൽ മാത്രവും. സുവർണ്ണനിമിഷങ്ങൾ ഇല്ലാതാവാൻ ഈ ഒറ്റക്കാരണം മതി. ഇതിന്റെ കൂടെ സ്വകാര്യ വിഷ ചികിത്സാകേന്ദ്രങ്ങൾ (ഏത് എന്ന് വാർത്തയിലില്ല, അതുകൊണ്ട് എന്തു തരം കേന്ദ്രം എന്ന് അറിയില്ല) കൂടിയാകുമ്പോൾ എല്ലാം പൂർത്തിയാകും.